Autor
Botime të Reja
Rreth Nesh
Harrietë M. Uelsh është spiune. Ajo ndërmerr ekspedita spiunazhi dhe mban shënime në një fletore për çdo gjë dhe për këdo që sheh, pa lënë mënjanë edhe shokun dhe shoqen e saj më të ngushtë.
Harriet është gjithmonë kureshtare dhe vëzhguese, ndaj në bllokun e saj shkruan mendimet dhe të vërtetat e saj pa i zbukuruar. Por një ditë prej ditësh, Harrieta e humbet fletoren e shënimeve dhe ajo bie në duart e gabuara. Para se Harrieta t’i dalë të keqes përpara, shokët dhe shoqet e saj kanë lexuar një pjesë të shënimeve, ku shkruheshin të vërteta, por edhe gjëra të hidhura. A do ta gjejë Harrieta një mënyrë për të rivendosur miqësinë e mëparshme me shokët dhe shoqet e saj?
Një klasik i dashur nga fëmijët dhe të rriturit, që trajton me humor dhe ndjeshmëri miqësinë, sinqeritetin, sekretet dhe fuqinë e fjalës.
Louise Fitzhugh është shkrimtare dhe ilustruese amerikane e njohur veçanërisht për romanin e saj “Spiunia Harriet”, të cilin edhe e ka ilustruar. Ky roman është vlerësuar si risi në fushën e letërsisë. Më pas ajo ka krijuar edhe libra të tjerë si “Sekreti i gjatë” dhe “Sporti”.
Krijimtaria e saj u dallua për personazhet origjinale dhe trajtimin e guximshëm të temave shoqërore, duke sfiduar stereotipat dhe temat tradicionale për fëmijët.
Përpara se të bëhej e njohur si shkrimtare për fëmijë, Fitzhugh zhvilloi një karrierë të gjatë si piktore dhe ilustruese.
Louise Fitzhugh u nda nga jeta në vitin 1974, në moshën 46-vjeçare, por vazhdon të kujtohet si një nga zërat më krijues të letërsisë moderne për fëmijë.