Magelani, njeriu dhe vepra e tij

Në histori vlera morale e veprës nuk përcaktohet nga përfitimi material. Përgjatë rrjedhës së kohës, njerëzimin e pasuron vetëm ajo vlerë që ia ngre nivelin e diturisë dhe ia forcon vetëdijen e tij krijuese.

Nisur nga kjo, vepra e Magelanit ua kalon të gjitha veprave heroike të

kohës kur jetoi. Lavdia e saj qëndron te sakrificat për ta realizuar ëndrrën e tij dhe të qindra e mijëra kapedanëve të tjerë detarë të pasionuar pas lundrimit. Vetëmohimi i pashembullt i atyre pesë anijeve të vogla, të rraskapitura, të vetmuara mes ujërash, të cilat u nisën me qëllimin e shenjtë të zbulimit të së panjohurës, ka mbetur në kujtesën historike të njerëzimit.

Magelani, njeriu që dha idenë e lundrimit rreth e qark botës, ai që pati guximin ta ndërmarrë atë, do të mbetet i paharruar. Pas kërkimesh të kota prej një mijë vitesh, ishte anija e tij e fundit që arriti të njohë perimetrin e rruzullit të tokës.

Për herë të parë, me kapërcimin e hapësirës së tokës, njerëzimi ndjeu fuqinë, kënaqësinë dhe kurajën e arritjes së madhështisë së tij.

Kjo vepër pothuajse e harruar e Magelanit vërtetoi ndër shekuj se, kur qëllimi dhe pasioni marrin energji nga gjenia e mendjes, njeriu mbizotëron ndaj të gjitha forcave

të natyrës.

Një histori që na rrëfen se si edhe një njeri i vetëm, gjatë jetës së tij të shkurtër, mund ta shndërrojë në një realitet dhe në një të vërtetë të pavdekshme atë që, për qindra breza kishte qenë thjesht ëndërr e dëshiruar.