Stefan Cvajg

Stefan Cvajg është një nga shkrimtarët më të njohur në botë. Cvajg lindi në Vjenë, Austri, por që nga viti 1919 jetoi në Salzburg, përpara se, në vitin 1938, të emigronte në Angli, më pas në ShBA dhe, në fund, në vitin 1941, në Brazil. Ai shkroi novela dhe tregime, si edhe shumë biografi të figurave të njohura të historisë së botës, ndër të cilat më e famshmja është biografia e Mary Stewart (Maria Stjuart), si edhe ajo e perandoreshës, Mari Antuanete. Me tregimet dhe veprat e tij historike, ai arriti të fitojë miliona lexues në mbarë botën. Pak para se të vdiste dërgoi për botim autobiografinë e tij, “Bota e së djeshmes”.