Autor
Botime të Reja
Rreth Nesh
Të mësosh përmes fjalëve që rimojnë është kaq shumë argëtuese! Mjafton të ndryshosh shkronjën e parë dhe e gjithë fjala ndryshon!
Fëmijët takojnë personazhe si Redi, Nedi, Tedi dhe Edi, ndërsa ndjekin situata qesharake dhe plot ritëm.
“Ai po kërcen, ai po dëfren, shpejt kalo si era vrapo.”
Një nga pjesët më zbavitëse tregon Patin, i cili ulet mbi një kapelë, një maçok dhe një skop akrobat, por sigurisht nuk duhet të ulet mbi gjembin e thatë!
Me kombinimin e tij të veçantë të historive gazmore, ilustrimeve plot fantazi dhe rimave plot ritëm, Dr. Seuss ka argëtuar fëmijët e vegjël dhe i ka ndihmuar të mësojnë të lexojnë për më shumë se pesëdhjetë vjet.
Një libër që do t’i bëjë fëmijët të qeshin, të provojnë përsëri e përsëri dhe të zbulojnë sa zbavitëse mund të jetë loja me fjalët!
Libri është veçanërisht i përshtatshëm për lexuesit e vegjël që sapo kanë nisur të lexojnë. Një klasik i dashur ndër breza, që rikthehet për t’u zbuluar edhe nga një brez i ri fëmijësh.
Kërcim dhe dëfrim është në listën zyrtare të letërsisë së rekomanduar në shkolla, miratuar nga Ministria e Arsimit.
Kolana LIBRA PËR LEXUES FILLESTARË
Me histori që tërheqin fëmijët, fjalor të përshtatshëm dhe ilustrime shumëngjyrëshe e plot gëzim, librat nxitin dëshirën për lexim që në moshë të hershme.
Libra të tjerë të Dr. Seuss në gjuhën shqipe
Maçoku me kapele doku
Dinake me çorape
Një peshk, dy peshq, peshk i kuq, peshk blu
Vezë jeshile dhe sallam
Dr. Seuss ishte pseudonimi i Theodor Seuss Geisel. Ai lindi në vitin 1904 në Springfield, Massachusetts. Pas studimeve në Dartmouth College, në New Hampshire, dhe më vonë në Universitetin e Oksfordit, në Angli, ai punoi si humorist dhe karikaturist për revista, si edhe krijues reklamash. Dr. Seuss ka një kontribut të veçantë në transformimin e letërsisë për fëmijë. Gjatë karrierës së tij të jashtëzakonshme, ai shkroi dhe ilustroi më shumë se 60 libra, të cilët janë shitur në mbi 600 milionë kopje në mbarë botën dhe janë përkthyer në dhjetëra gjuhë. Ai është i njohur dhe shumë i dashur nga fëmijët dhe prindërit për stilin e tij të veçantë në ilustrime, në krijimin e personazheve fantastikë si dhe vargjet ritmike e plot humor. Një ndër ndër veprat e tij më të famshme “Maçoku me kapele doku” (The Cat in the Hat), u botua në vitin 1957.