Të pavdekshmit

Në verën e vitit 1969, katër fëmijët e familjes Gold, në Nju-Jork, dëgjojnë për një grua me fuqi të mbinatyrshme, e cila pretendon se është në gjendje t'i tregojë kujtdo ditën se kur do të vdesë. Të shtyrë nga kureshtja ata shkojnë ta takojnë, pa e ditur se kjo përvojë do të ndikojë në mënyrën se si do ta jetojnë pjesën tjetër të jetës.

Profecitë paraprijnë pesë dekadat e ardhshme të jetës së tyre. Simoni, djaloshi flokëverdhë, ia mbath për në Bregun Perëndimor, në San-Franciskon e viteve ’80, në kërkim të dashurisë; ëndërrimtarja Klara bëhet një magjistare në Las Vegas dhe është e fiksuar pas përzierjes së realitetit dhe fantazisë; djali i madh, Danieli, përpiqet të ruajë sigurinë si mjek ushtarak; dhe Varya, e dhënë pas librave, ia ka kushtuar veten hulumtimeve mbi jetëgjatësinë, për të testuar kufirin midis shkencës dhe pavdekësisë.

Një roman që ngre një pyetje thelbësore: Nëse do ta dinim ditën e vdekjes sonë, a do të jetonim ndryshe? Chloe Benjamin ndërton një histori emocionale mbi mënyrën se si besimi në të ardhmen mund të ndikojë në të tashmen.

Ky libër është një testament thellësisht prekës i fuqisë së rrëfimit, i mënyrës së besimit dhe i lidhjes së ngushtë familjare.