Autor
Botime të Reja
Rreth Nesh
Para shumë vitesh babagjyshi ishte pilot i Luftës së II-të Botërore. Por kur e çuan në azilin e pleqve Kullat e Muzgut – të cilin e drejtonte Dosarja e ligë – gjyshi dhe nipi i tij, Xheku, bëjnë një plan të guximshëm arratisjeje. Po nuk u shkon mendja që drejtoresha e ligë u është qepur nga pas...
Në pleqëri babagjyshi është bërë i hutuar. Ai beson se është ende në Luftën e II-të Botërore, kur ishte pilot i "Spitfire"-it. Babagjyshi i Xhekut...
* Vesh shapka në supermarket
* Ha konservë allakremkaramel për darkë
* Dhe e harron shpesh emrin e Xhekut
Por ai është ende në gjendje të ngrihet në qiell me “Spitfire”-in e tij...
Atë e kupton vetëm një njeri: nipi i tij, Xheku. Mes tyre ka një lidhje mjaft të fortë.
Ky libër e çon lexuesin në një udhëtim të pabesueshëm me “Spitfire”-in mbi Londër, dhe në një “Superarratisje” përmes qytetit, pra në një aventurë prekëse dhe plot humor.
Ilustrimet janë të piktorit të famshëm Tony Ross.
* Fitues i Çmimit Kombëtar të "Librit për fëmijë më të mirë të vitit".
DAVID WALLIAMS është shkrimtar, aktor dhe komedian. Prej kohësh është një fenomen i letërsisë për fëmijë. Librat e tij janë përkthyer në 55 gjuhë dhe janë shitur në më shumë se pesëdhjetegjashtë milion kopje në mbarë botën. Një nga bashkëpunëtorët më të afërt të tij është ilustruesi Tony Ross, i cili ka ilustruar shumë nga librat e Walliams. Po kështu ai ka bashkëpunuar edhe me piktorin Quentin Blake, të cilin e vlerëson si një nga heronjtë e fëmijërisë së tij.
Librat e Walliams kanë marrë vlerësime të paprecedentë nga kritikët dhe kanë thyer rekorde, duke qëndruar në vendin e parë të letërsisë për fëmijë për 240 javë.
Tony Ross është ilustrues i shkëlqyer dhe autor letërsisë për fëmijë në Britaninë e Madhe. Gjatë karrierës së tij ai ka ilustruar qindra libra për fëmijë dhe njihet për stilin e tij të veçantë, plot humor, gjallëri dhe personazhe ekspresive. Ai ka ilustruar shumë prej librave të David Walliams, duke i bërë historitë më zbavitëse dhe më tërheqëse.
Përveç ilustrimit, Tony Ross ka shkruar edhe libra për fëmijë. Për punën e tij është vlerësuar me shumë çmime në fushën e letërsisë për fëmijë.
Librat e ilustruar prej tij janë botuar në dhjetëra gjuhë dhe në më shumë se 100 vende të botës.