Autor
Botime të Reja
Rreth Nesh
Një roman prekës që përcjell emocione të jashtëzakonshme nga John Boyne, autori i bestsellerit “Djali me pizhama me vija”. Historia zhvillohet gjatë Luftës së Parë Botërore dhe tregon se si lufta ndryshon jetën e një fëmije dhe familjes së tij.
Personazhi kryesor, Alfi Samerfild, është një djalë i vogël, babai i të cilit premton se nuk do të shkojë në luftë. Megjithatë, vetëm një ditë më vonë, ai largohet për të luftuar dhe për katër vjet Alfi nuk di se ku ndodhet.
Një ditë, ndërsa lustron këpucë në stacionin King's Cross, Alfi sheh rastësisht emrin e babait të tij në disa dokumente që i përkasin një mjeku ushtarak. Ai zbulon se babai ndodhet në një spital aty pranë, ku trajtohen ushtarë që vuajnë nga traumat e shkaktuara lufta.
I vendosur ta gjejë dhe ta shpëtojë babanë e tij, Alfi nis një rrugëtim të vështirë, duke zbuluar pasojat e luftës, traumën dhe forcën e lidhjes familjare.
Një histori emocionuese për dashurinë, guximin, familjen dhe një rrëfim që na tregon se si ndikon lufta tek njerëzit, veçanërisht tek fëmijët.
John Boyne është shkrimtar irlandez shumë i vlerësuar. Ai ka shkruar 14 romane për të rritur, 6 libra për lexues të rinj dhe një përmbledhje me tregime të shkurtra.
Romani i tij më i famshëm, “Djali me pizhama me vija” (2006), u bë bestseller numër 1 i New York Times dhe është shitur në më shumë se 11 milionë kopje në mbarë botën. Libri është përshtatur gjithashtu për kinema, teatër, balet dhe opera.
Boyne ka fituar tre here çmimin Irish Book Awards dhe shumë çmime të tjera letrare ndërkombëtare. Librat e tij janë botuar në më shumë se 60 gjuhë, duke e bërë atë një nga autorët bashkëkohorë irlandezë më të lexuar në botë. Boyne jeton në Dublin, Irlandë.