Autor
Botime të Reja
Rreth Nesh
Miliona lexuesit që adhurojnë “Fëmijët më të këqij në botë” tani do të zbulojnë në këtë libër disa nga të rriturit më të tmerrshëm, “Prindërit më të këqij në botë”, sjellë për ju nga autori bestseller numër një David Walliams, ku çdo histori është ilustruar me ngjyra të mrekullueshme nga gjeniu artistik Tony Ross.
A jeni gati të njiheni me prindërit më të këqij të të gjitha kohërave?
Këto dhjetë tregime me mama të lajthitura dhe baballarë mizorë do t’ju bëjnë që të shkundeni nga të qeshurat.
Mbyllni hundët afër Piter Pongut, njeriu me këmbët më kutërbuese në botë... Mos i dilni përpara Harriet Hurry, mamasë më të shpejtë mbi dy rrota... dhe, oh jo, është edhe prindi më turpëronjës në botë, Supermami! Me furçën dhe leckën e pastrimit të banjos në dorë, ajo del gjithandej për të shpëtuar botën ...
Do të shkriheni së qeshuri me prindërit më të këqij në botë!
DAVID WALLIAMS është shkrimtar, aktor dhe komedian. Prej kohësh është një fenomen i letërsisë për fëmijë. Librat e tij janë përkthyer në 55 gjuhë dhe janë shitur në më shumë se pesëdhjetegjashtë milion kopje në mbarë botën. Një nga bashkëpunëtorët më të afërt të tij është ilustruesi Tony Ross, i cili ka ilustruar shumë nga librat e Walliams. Po kështu ai ka bashkëpunuar edhe me piktorin Quentin Blake, të cilin e vlerëson si një nga heronjtë e fëmijërisë së tij.
Librat e Walliams kanë marrë vlerësime të paprecedentë nga kritikët dhe kanë thyer rekorde, duke qëndruar në vendin e parë të letërsisë për fëmijë për 240 javë.
Tony Ross është ilustrues i shkëlqyer dhe autor letërsisë për fëmijë në Britaninë e Madhe. Gjatë karrierës së tij ai ka ilustruar qindra libra për fëmijë dhe njihet për stilin e tij të veçantë, plot humor, gjallëri dhe personazhe ekspresive. Ai ka ilustruar shumë prej librave të David Walliams, duke i bërë historitë më zbavitëse dhe më tërheqëse.
Përveç ilustrimit, Tony Ross ka shkruar edhe libra për fëmijë. Për punën e tij është vlerësuar me shumë çmime në fushën e letërsisë për fëmijë.
Librat e ilustruar prej tij janë botuar në dhjetëra gjuhë dhe në më shumë se 100 vende të botës.