Përse më quajnë Xhovani

Xhovani është një djalë nga Palermoja. Për ditëlindjen e tij të dhjetë, babai i bën një dhuratë të veçantë: një shëtitje nëpër qytet, për t’i treguar pse, mes kaq shumë emrash të mundshëm, ai zgjodhi pikërisht emrin Xhovani.

Hap pas hapi, rrugët dhe vendet e Palermos bëhen pjesë e historisë së Xhovani Falkones – gjyqtarit që luftoi kundër mafies dhe që u bë simbol i drejtësisë, guximit dhe respektit për ligjin.

Por Xhovani i vogël zbulon diçka të rëndësishme: babai nuk po i tregon thjesht një histori të së kaluarës. Mafia nuk është vetëm një problem i të rriturve dhe nuk është diçka që ndodh diku larg. Ajo mund të shfaqet edhe në jetën e përditshme, madje edhe në shkollë, përmes frikës, heshtjes dhe padrejtësive.

Dhe për ta luftuar të keqen nuk duhet të presësh të rritesh. Mjafton të fillosh që i vogël, duke zgjedhur të mos heshtësh, të respektosh të tjerët dhe të kesh kurajë të bësh atë që është e drejtë.

Jeta e Xhovani Falkones e rrëfyer nga një baba te djali i tij.

Me parathënie nga Maria Falkone motra e Xhovanit dhe një intervistë të autorit.