Një histori e rrallë mbi seksin

Që nga koha kur, për herë të parë, njerëzit e kuptuan se çfarë ndodhte kur bënin seks, ky akt nuk ka ndryshuar. E vërteta është se, përgjatë epokave, kanë ndryshuar rregullat që shoqëria njerëzore i ka diktuar vetes, se si duhet të bëjë seks në mënyrë të kulturuar. Njerëzit janë e vetmja krijesë në këtë rruzull që paragjykojnë praktikat e veçanta seksuale, ndaj seksi mbetet një çështje thellësisht përçarëse në mbarë botën. Qëndrimet do të ndryshojnë dhe zhvillohen – duke shpresuar për më mirë – por seksi nuk ka për të qenë kurrë i çliruar nga paragjykimi dhe turpi, nëse ne nuk do të pranojmë se nga vjen kjo paranojë.

Mbështetur në projektin e njohur kërkimor Whores of Yore, dhe shkruar me mençuri dhe humor që spikat, Një rrëfim i rrallë mbi seksin e ka burimin në njohuritë e gjera të dr. Kate Lister mbi historinë e seksit. Që nga testet e impotencës në Mesjetë e deri te grabitja e testikujve në shekullin e njëzetë, nga afresket erotike të Pompeit e deri te shtëpitë publike të kukullave moderne të seksit, Kate rrëmon paturpësisht në brekët e historisë, duke demaskuar mitet, duke sfiduar klishetë dhe duke ndotur duart e saj deri në bërryl.

Ky libër rrëzon me mjeshtëri mite dhe stereotipe duke i vendosur praktikat e pazakonta seksuale në kontekstin e tyre historik. Njëkohësisht, ajo ofron këndvështrime të vlefshme për çështje që vazhdojnë të ndikojnë te njerëzit edhe sot, si gjinia, turpi seksual, standardet e bukurisë dhe gjuha. Libri është i ilustruar me imazhe të shumëllojshme nga burime të përpikta nga e kaluara.

Ju do të qeshni, do të drithëroheni dhe do të mahniteni me faktin se sa shumë kanë ndryshuar gjërat.