Autor
Botime të Reja
Rreth Nesh
Shumë larg nga botës që ne njohim, në një ishull vullkanik, mes ujërave përplot me peshkaqenë ndodhet një kështjellë e lashtë prej guri e cila është kthyer në një shkollë. Jo një shkollë dosido. Por një shkollë ku dërgohen fëmijët më të pabindur në botë. Ajo quhet SHKOLLA MIZORE.
Nuk ka asnjë mundësi arratisjeje. Ka tmerre nga më të ndryshmet në SHKOLLËN MIZORE. Mësuesit janë të llahtarshëm, darkat janë të neveritshme dhe mësimet të shtijnë makthe.
Ç’lloj krijese do të formohej nëse përbindëshat më të llahtarshëm, të frikshëm dhe të shpifur që mund të mendoni, do të bashkoheshin në një trup të vetëm? Dhe kush do të kishte guxim fë luftonte kundër kësaj krijese? Njihuni me Hokataren, një vajzë e vogël e gatshme që të luftojë kundër mega përbindëshi!
Megamonster është një aventurë fantastike, gazmore dhe plot të papritura.
Kështu që vazhdo të lexosh, por vetëm nëse ke mjaftueshëm guxim.
DAVID WALLIAMS është shkrimtar, aktor dhe komedian. Prej kohësh është një fenomen i letërsisë për fëmijë. Librat e tij janë përkthyer në 55 gjuhë dhe janë shitur në më shumë se pesëdhjetegjashtë milion kopje në mbarë botën. Një nga bashkëpunëtorët më të afërt të tij është ilustruesi Tony Ross, i cili ka ilustruar shumë nga librat e Walliams. Po kështu ai ka bashkëpunuar edhe me piktorin Quentin Blake, të cilin e vlerëson si një nga heronjtë e fëmijërisë së tij.
Librat e Walliams kanë marrë vlerësime të paprecedentë nga kritikët dhe kanë thyer rekorde, duke qëndruar në vendin e parë të letërsisë për fëmijë për 240 javë.
Tony Ross është ilustrues i shkëlqyer dhe autor letërsisë për fëmijë në Britaninë e Madhe. Gjatë karrierës së tij ai ka ilustruar qindra libra për fëmijë dhe njihet për stilin e tij të veçantë, plot humor, gjallëri dhe personazhe ekspresive. Ai ka ilustruar shumë prej librave të David Walliams, duke i bërë historitë më zbavitëse dhe më tërheqëse.
Përveç ilustrimit, Tony Ross ka shkruar edhe libra për fëmijë. Për punën e tij është vlerësuar me shumë çmime në fushën e letërsisë për fëmijë.
Librat e ilustruar prej tij janë botuar në dhjetëra gjuhë dhe në më shumë se 100 vende të botës.