Ky është zëri im

Brija është gjashtëmbëdhjetë vjeç dhe ka një ëndërr të madhe: dëshiron të bëhet repere e madhe. Ose, të paktën, të fitojë betejën e parë. Si vajza e një legjende të hip-hop-it underground, i cili vdes vetëm pak kohë para se të arrinte të bëhej i suksesshëm, Brisë i duhet të matet me një emër shumë të madh. Por është e vështirë të ngrihesh, kur në shkollë të vënë etiketa, të tilla si e paedukuar, apo kur frigoriferi në shtëpi është bosh, pasi mamaja jote ka humbur punën. Dhe gjithë zemërimin dhe inatin e vet, Brija e shfryn në këngën e saj të parë... për shumë arsye të gabuara.

Shumë shpejt Brija e gjen veten në qendër të një polemike, e portretizuar nga media më shumë si e rrezikshme se sa si repere. E ndodhur nën presionin e dëbimit nga shtëpia, pasi familja e saj nuk paguante dot qiranë, Brija jo vetëm do, por duhet t’ia dalë mbanë medoemos. Edhe sikur t’i duhej të bëhej pikërisht ajo që mendonte publiku se ishte.

I thellë, i guximshëm dhe i përzemërt, Unë jam zëri yt është një libër për hip-hop-in, i shkruar prej një nga penave më në zë të brezit. Ky roman është historia e luftës për ëndrrat, edhe kur vështirësitë dhe pengesat janë të mëdha. Është historia e luftës për lirinë e fjalës, që jo gjithnjë është e lirë, sidomos për të rinjtë me ngjyrë.