Autor
Botime të Reja
Rreth Nesh
Stela Saksbaj është një vajzë e vogël që kthehet në shtëpinë e familjes pas një aksidenti dhe zbulon se gjithçka ka ndryshuar. Ajo është trashëgimtarja e vetme e Saksbaj Holl-it. Prindërit e saj kanë vdekur dhe shtëpia e familjes është në duart e hallës Alberta, një grua e ligë dhe dinake që ka një plan të tmerrshëm: të marrë pronën për vete.
Por Stela nuk është vetëm. Me ndihmën e një fantazme të pazakontë dhe një bufi të zgjuar, ajo duhet të gjejë një mënyrë për të mposhtur hallën e saj dhe për të shpëtuar shtëpinë.
Një ngjarje plot humor, emocion dhe plot surpriza, që ndërthur humorin e veçantë të David Walliams me misterin, fantazinë dhe guximin.
DAVID WALLIAMS është shkrimtar, aktor dhe komedian. Prej kohësh është një fenomen i letërsisë për fëmijë. Librat e tij janë përkthyer në 55 gjuhë dhe janë shitur në më shumë se pesëdhjetegjashtë milion kopje në mbarë botën. Një nga bashkëpunëtorët më të afërt të tij është ilustruesi Tony Ross, i cili ka ilustruar shumë nga librat e Walliams. Po kështu ai ka bashkëpunuar edhe me piktorin Quentin Blake, të cilin e vlerëson si një nga heronjtë e fëmijërisë së tij.
Librat e Walliams kanë marrë vlerësime të paprecedentë nga kritikët dhe kanë thyer rekorde, duke qëndruar në vendin e parë të letërsisë për fëmijë për 240 javë.
Tony Ross është ilustrues i shkëlqyer dhe autor letërsisë për fëmijë në Britaninë e Madhe. Gjatë karrierës së tij ai ka ilustruar qindra libra për fëmijë dhe njihet për stilin e tij të veçantë, plot humor, gjallëri dhe personazhe ekspresive. Ai ka ilustruar shumë prej librave të David Walliams, duke i bërë historitë më zbavitëse dhe më tërheqëse.
Përveç ilustrimit, Tony Ross ka shkruar edhe libra për fëmijë. Për punën e tij është vlerësuar me shumë çmime në fushën e letërsisë për fëmijë.
Librat e ilustruar prej tij janë botuar në dhjetëra gjuhë dhe në më shumë se 100 vende të botës.