Autor
Botime të Reja
Rreth Nesh
A ta mban të takosh fëmijët më të këqij të botës? Do të zbulosh dhjetë histori tmerrësisht dëfryese!
Kujdes! Brenda këtij libri do të gjesh pesë vajza të tmerrshme dhe pesë djem edhe më të këqij se të këqijtë!
Mes tyre do të ndeshni Hambertin, beben e babëzitur, që i përlan prindërit e vet me gjithë shtëpi, apo do t'i shkelni syrin Giseldës mizore, që vdes t'ia punojë të gjithëve në shkollë me koleksionin e saj të zvarranikëve ngjethës, të përkryer për t'u fshehur te kilotat e drejtoreshës.
10 tregime ku emrat e personazheve tregojnë nga një karakteristikë të tyre.
Ky koleksion historish të këndshme djallëzore vjen nga autori më i shitur David Walliams, i cili është ilustruar mjeshtërisht nga gjeniu Tony Ross.
* Fitues i Çmimit Kombëtar të "Librit për fëmijë më të mirë të vitit".
DAVID WALLIAMS është shkrimtar, aktor dhe komedian. Prej kohësh është një fenomen i letërsisë për fëmijë. Librat e tij janë përkthyer në 55 gjuhë dhe janë shitur në më shumë se pesëdhjetegjashtë milion kopje në mbarë botën. Një nga bashkëpunëtorët më të afërt të tij është ilustruesi Tony Ross, i cili ka ilustruar shumë nga librat e Walliams. Po kështu ai ka bashkëpunuar edhe me piktorin Quentin Blake, të cilin e vlerëson si një nga heronjtë e fëmijërisë së tij.
Librat e Walliams kanë marrë vlerësime të paprecedentë nga kritikët dhe kanë thyer rekorde, duke qëndruar në vendin e parë të letërsisë për fëmijë për 240 javë.
Tony Ross është ilustrues i shkëlqyer dhe autor letërsisë për fëmijë në Britaninë e Madhe. Gjatë karrierës së tij ai ka ilustruar qindra libra për fëmijë dhe njihet për stilin e tij të veçantë, plot humor, gjallëri dhe personazhe ekspresive. Ai ka ilustruar shumë prej librave të David Walliams, duke i bërë historitë më zbavitëse dhe më tërheqëse.
Përveç ilustrimit, Tony Ross ka shkruar edhe libra për fëmijë. Për punën e tij është vlerësuar me shumë çmime në fushën e letërsisë për fëmijë.
Librat e ilustruar prej tij janë botuar në dhjetëra gjuhë dhe në më shumë se 100 vende të botës.