Autor
Botime të Reja
Rreth Nesh
Jeni gati të takoheni me fëmijët më të këqij në botë? Do të zbuloni dhjetë histori tmerrësisht dëfryese!
Jepini, jepini! Takojini pesë Djemtë Bisha dhe pesë Vajzat e Llahtarshme!
Si Sofia Divanin – një supertifoze televizori e ngulur në divan, aq sa janë bërë njësh!
Apo Dreu Jargashin – një djalë të cilin jargët e fusin në një telash të tmerrshëm gjatë një ekskursioni të shkollës. E të mos harrojmë Berta Qaramanen – një motër e madhe qaramane me zakonin e keq të të gënjyerit.
Kush mendoni se është "Fëmija më i keq në botë?" Në libër gjeni një trofe që ta plotësoni, ta prisni dhe ta ruani.
Ky koleksion historish të këndshme djallëzore vjen nga autori më i shitur David Walliams, i cili është ilustruar mjeshtërisht me ngjyra të lavdishme nga gjeniu Tony Ross.
* Fitues i Çmimit Kombëtar të "Librit për fëmijë më të mirë të vitit".
DAVID WALLIAMS është shkrimtar, aktor dhe komedian. Prej kohësh është një fenomen i letërsisë për fëmijë. Librat e tij janë përkthyer në 55 gjuhë dhe janë shitur në më shumë se pesëdhjetegjashtë milion kopje në mbarë botën. Një nga bashkëpunëtorët më të afërt të tij është ilustruesi Tony Ross, i cili ka ilustruar shumë nga librat e Walliams. Po kështu ai ka bashkëpunuar edhe me piktorin Quentin Blake, të cilin e vlerëson si një nga heronjtë e fëmijërisë së tij.
Librat e Walliams kanë marrë vlerësime të paprecedentë nga kritikët dhe kanë thyer rekorde, duke qëndruar në vendin e parë të letërsisë për fëmijë për 240 javë.
Tony Ross është ilustrues i shkëlqyer dhe autor letërsisë për fëmijë në Britaninë e Madhe. Gjatë karrierës së tij ai ka ilustruar qindra libra për fëmijë dhe njihet për stilin e tij të veçantë, plot humor, gjallëri dhe personazhe ekspresive. Ai ka ilustruar shumë prej librave të David Walliams, duke i bërë historitë më zbavitëse dhe më tërheqëse.
Përveç ilustrimit, Tony Ross ka shkruar edhe libra për fëmijë. Për punën e tij është vlerësuar me shumë çmime në fushën e letërsisë për fëmijë.
Librat e ilustruar prej tij janë botuar në dhjetëra gjuhë dhe në më shumë se 100 vende të botës.