Autor
Botime të Reja
Rreth Nesh
Po sikur lumturia të jetë para syve tanë? Ana, 37 vjeç, ndihet e lodhur nga puna dhe letrat e përmbaruesve. Vajzat i sheh shumë pak, vetëm në mëngjes. Nga guaska, në të cilën është mbyllur, sheh jetën që po i ikën. Në moshën 17-vjeçare, Kloeja heq dorë nga ëndrrat e saj për të ndihmuar të ëmën. Ajo kërkon dashuri te djemtë, por marrëdhëniet e saj nuk zgjasin. Ashtu si karroca e Hirushes, ata transformohen, pasi e arrijnë atë që duan. Lili, 12 vjeç, nuk i do shumë njerëzit. Ajo preferon miushin e saj, të cilit i ka vënë emrin e të atit, pasi ai u largua nga familja.
Ditën që zbulon se vajzat e saj nuk janë mirë, Ana merr një vendim të çartur: vendos të bëjë me to një udhëtim me rulotë në Skandinavi. Nëse nuk mund të kthehemi mbrapsht, mund të zgjedhim një rrugë tjetër.
Ana, Kloeja, Lili – tri gra, tre breza, tre zëra që i përgjigjen njëri-tjetrit. Një mrekulli humori, dashurie dhe humanizmi.
Virginie Grimaldi është romanciere franceze e lindur në vitin 1977. Romanin e saj të parë, “Dita e parë e pjesës tjetër të jetës sime”, e botoi në vitin 2015. Më pas vazhdoi me “Do ta kuptosh kur të jesh më e rritur” (2016), “Aroma e lumturisë është më e fortë nën shi” (2017), “Është koha për të rindezur yjet” (2018) dhe “Kur kujtimet tona do të vijnë të vallëzojnë” (2019) etj. Romanet e saj janë bestseller, të përkthyera në më shumë se njëzet gjuhë, ato ndërthurin humorin me emocionin dhe pasqyrojnë përjetimet e përditshme të njerëzve. Në vitin 2025, ajo u vlerësua si romancierja më e lexuar në Francë me mbi një milion kopje të shitura (sipas renditjes së Le Figaro Littéraire dhe GfK).