Autor
Botime të Reja
Rreth Nesh
María Esclapez, psikologe klinike, seksologe dhe terapeute për marrëdhëniet në çift të fton që të ndërtosh marrëdhënie të shëndetshme dhe t’i përmirësosh ato që ke.
“Edhe unë kam përjetuar marrëdhënie të shumta toksike dhe kam vuajtur varësinë emocionale. Për shumë kohë e kam shpërfillur atë zërin e brendshëm që më pëshpëriste e që më thoshte se gjërat nuk po shkonin mirë.
Ndoshta dyshon se marrëdhëniet e tua në çift mund të mos jenë në rrugë të mbarë. Madje mund ta kesh të qartë se dëshiron të dalësh nga gjithë kjo, por nuk di se si. Nëse ke vendosur ta dëgjosh atë zërin e brendshëm për të cilin të kam folur, atëherë ky libër është tamam për ty.”
Përmes ushtrimesh praktike, shembujsh të nxjerrë nga konsultat dhe përsiatjet e saj, María Esclapez të tregon në këtë libër se kurrë nuk është vonë për të mësuar që të jesh i ndërgjegjshëm për përvojat e tua, ta duash e ta vlerësosh veten, në radhë të parë si njeri e më pas si partner.
Sepse të dua, por më përpara dua veten time.
MARÍA ESCLAPEZ është psikologe shëndeti dhe ka studiuar për psikologji klinike dhe shëndeti, përveçse është specialiste në seksologji klinike. Ajo është terapeute për marrëdhëniet në çift si dhe sex coach. Bashkëpunon, ndër të tjera, në organe si Altresmedia, Mediaset España, Cosmopolitan, Glamour, Mujer Hoy, Elite, S Moda, La Vanguardia apo El País. Gjithashtu, i është përkushtuar aktivisht përhapjes së studimeve të saj në rrjete sociale dhe ka mijëra ndjekës falë analizave për programet televizive të tilla si La isla de las tentaciones.