Autor
Botime të Reja
Rreth Nesh
Shtatë këlyshë. Një mision sekret. Dhe Mekenzi që nuk do ta bëjë aspak të lehtë! 🐾😱
Në librin e dhjetë të serisë Ditarët e Peshkopes, Niki Maksuell dhe miqtë e saj Brendon, Kloe dhe Zoi përfshihen në një mision shumë të rëndësishëm: duhet të fshehin shtatë këlyshë të adhurueshëm! 🐶💕
Por kjo nuk është aspak e lehtë. Niki duhet t’i mbajë këlyshët larg syve të prindërve të saj, motrës së vogël Briana, gjithë shkollës dhe, mbi të gjitha, Mekenzi Hollister, e cila është e vendosur të hakmerret ndaj saj.
Me kaq shumë njerëz që mund ta zbulojnë sekretin, Niki do të ketë nevojë për ndihmën e miqve, shumë zgjuarsi dhe pak fat!
A do të arrijnë Niki dhe shokët e saj t’i mbajnë të fshehur shtatë këlyshët, apo sekreti do të zbulohet?
Përgatituni për një aventurë gazmore, plot të papritura, miqësi, sekrete dhe këlyshë të adhurueshëm!
Rachel Renèe Russell është shkrimtarja numër një më e shitur sipas New York Times e serisë së librave që bëri bujë të madhe Ditarët e Peshkopes dhe serisë më të shitur Aventurat e Maks Çapkënit. Në mbarë botën qarkullojnë më shumë se pesëdhjetë e pesë milionë kopje të librave të saj, të cilët janë përkthyer në tridhjetë e shtatë gjuhë të ndryshme. Asaj i pëlqen shumë të punojë me vajzën e saj Nikin, e cila e ndihmon me ilustrimin e librave.
Mesazhi i Rachel- it është: “Duhet të jeni gjithnjë krenare që jeni një Peshkope!”