Autor
Botime të Reja
Rreth Nesh
David Walliams iu paraqet personazhin e tij më të keq në këtë rrëfenjë drithëruese, që do t’ju bëjë t’ju kërcasin dhëmbët nga frika dhe t’ju shqyhen nofullat prej gazit!
Një libër për Alfin, një djalë me zemër të madhe, por me një frikë edhe ca më të madhe nga dentistët.
“…Errësira kishte mbërritur në qytet. Gjëra të çuditshme po ndodhnin në pisk të natës. Fëmijët, kur binin të flinin, fusnin nën jastëk dhëmbin e rënë për zanën e dhëmbëve, por, kur zgjoheshin në mëngjes, gjenin... një kërmill të ngordhur... një merimangë të gjallë... qindra e qindra gërshërëza që dilnin nga poshtë jastëkut.”
Djalli ishte në punë e sipër. Po kush apo çfarë fshihej pas kësaj? Dhe çfarë sekreti fshihet pas dentistit të ri e misterioz?
Një histori me aventura plot humor, mister dhe emocione, që nuk do ta lini deri në faqen e fundit.
Lexojeni librin dhe zbulojeni!
DAVID WALLIAMS është shkrimtar, aktor dhe komedian. Prej kohësh është një fenomen i letërsisë për fëmijë. Librat e tij janë përkthyer në 55 gjuhë dhe janë shitur në më shumë se pesëdhjetegjashtë milion kopje në mbarë botën. Një nga bashkëpunëtorët më të afërt të tij është ilustruesi Tony Ross, i cili ka ilustruar shumë nga librat e Walliams. Po kështu ai ka bashkëpunuar edhe me piktorin Quentin Blake, të cilin e vlerëson si një nga heronjtë e fëmijërisë së tij.
Librat e Walliams kanë marrë vlerësime të paprecedentë nga kritikët dhe kanë thyer rekorde, duke qëndruar në vendin e parë të letërsisë për fëmijë për 240 javë.
Tony Ross është ilustrues i shkëlqyer dhe autor letërsisë për fëmijë në Britaninë e Madhe. Gjatë karrierës së tij ai ka ilustruar qindra libra për fëmijë dhe njihet për stilin e tij të veçantë, plot humor, gjallëri dhe personazhe ekspresive. Ai ka ilustruar shumë prej librave të David Walliams, duke i bërë historitë më zbavitëse dhe më tërheqëse.
Përveç ilustrimit, Tony Ross ka shkruar edhe libra për fëmijë. Për punën e tij është vlerësuar me shumë çmime në fushën e letërsisë për fëmijë.
Librat e ilustruar prej tij janë botuar në dhjetëra gjuhë dhe në më shumë se 100 vende të botës.