Autor
Botime të Reja
Rreth Nesh
Viti më i bukur nga të gjithë! - Kështu mendoi Ramona se do të ishte klasa e katërt, por jo gjithçka doli siç ajo shpresonte. Sigurisht, ajo ka një shoqe të re që quhet Deisi.
Por, si mund ta përmirësojë germëzimin e saj, duke qenë se mësuesja këmbëngul, apo të bëhet shembull për motrën e saj të vogël, Robertën, ashtu siç pret zonja Kuimbi?
Klasa e katërt është plot me aventura dhe sfida dhe në fund është ditëlindja e “zero dhjetë” për të festuar!
Librat e serisë Ramona… vazhdojnë t’i tërheqin lexuesit, sepse e ngjenë veten në situatat e Ramonës. Janë të duhurit edhe për lexim në familje apo në klasë.
Historitë e Ramonës vazhdojnë
Beverly Cleary është një nga shkrimtaret më të famshme amerikane. E lindur në McMinnville, Oregon, ajo e kaloi fëmijërinë në Portland. Kur ishte e vogël, ajo pati vështirësi me leximin, por dashuria për bibliotekat dhe librat e ndihmoi të bëhej një lexuese e apasionuar. Para se të bëhej shkrimtare, punoi si bibliotekare për fëmijë.
Në vitin 1950 botoi librin e saj të parë, Henry Huggins, duke nisur një karrierë që do të zgjaste më shumë se shtatë dekada. Personazhet e saj dallohen për humorin, sinqeritetin dhe mënyrën e veçantë se si pasqyrojnë botën nga këndvështrimi i fëmijëve.
Ndër librat e saj më të njohur është Ramona Kuimbi, 8 vjeç, për të cilin u nderua me çmimin Newbery Honor, ndërsa Dear Mr. Henshaw fitoi Medaljen Newbery në vitin 1984. Për kontributin e saj të jashtëzakonshëm në letërsinë për fëmijë, Cleary mori gjithashtu çmimin Laura Ingalls Wilder Award.
Me historitë e saj plot humor, ngrohtësi dhe nga realiteti i çdo fëmije, Beverly Cleary krijoi personazhe që vazhdojnë të pëlqehen nga breza të tërë lexuesish. Trashëgimia e saj mbetet një pjesë e rëndësishme e letërsisë klasike për fëmijë.
Jaqueline Rogers ështe ilustruese profesioniste e librave për fëmijë. Për më shumë se njëzet vjet ka ka ilustruar rreth njëqind libra për fëmijë.