Autor
Botime të Reja
Rreth Nesh
Lexoni librin bestseller (mbi 20 milion kopje të shitura) të David Walliams, Babi i keq, një aventurë me ngjarje për djem dhe vajza të moshës 7–12 vjeç. Libri është ilustruar bukur nga ilustruesi i shkëlqyer Tony Ross.
Një rrëfim që do t’ju mbajë në ankth dhe do t’ju bëjë të qeshni me të madhe!
Një libër me histori emocionuese dhe prekëse për fëmijë. Aventura e një babai dhe e djalit të tij si dhe një mision i jashtëzakonshëm …
Është një aventurë me makina që ecin me shpejtësi, policë dhe hajdutë, por edhe një histori me shumë zemër e shpirt, ku një baba dhe djali i tij përballen me të keqin z. Big dhe përpiqen ta mposhtin!
Baballarët kanë lloj-lloj formash dhe përmasash.
Ka baballarë të shëndoshë dhe të dobët, të gjatë dhe të shkurtër.
Ka të rinj dhe të moshuar, të zgjuar dhe budallenj.
Ka baballarë gazmorë dhe seriozë, të zhurmshëm dhe të qetë.
Sigurisht, ka baballarë të mirë dhe baballarë të këqij…
Një histori që në qendër ka marrëdhënien e veçantë mes një babai dhe djalit të tij si dhe sakrificat që një baba mund të bëjë për të. Ndërthurur me humor, aventurë dhe aksion është një roman që lexohet me endje.
Babi i keq, është romani i dhjetë për fëmijë nga David Walliams.
DAVID WALLIAMS është shkrimtar, aktor dhe komedian. Prej kohësh është një fenomen i letërsisë për fëmijë. Librat e tij janë përkthyer në 55 gjuhë dhe janë shitur në më shumë se pesëdhjetegjashtë milion kopje në mbarë botën. Një nga bashkëpunëtorët më të afërt të tij është ilustruesi Tony Ross, i cili ka ilustruar shumë nga librat e Walliams. Po kështu ai ka bashkëpunuar edhe me piktorin Quentin Blake, të cilin e vlerëson si një nga heronjtë e fëmijërisë së tij.
Librat e Walliams kanë marrë vlerësime të paprecedentë nga kritikët dhe kanë thyer rekorde, duke qëndruar në vendin e parë të letërsisë për fëmijë për 240 javë.
Tony Ross është ilustrues i shkëlqyer dhe autor letërsisë për fëmijë në Britaninë e Madhe. Gjatë karrierës së tij ai ka ilustruar qindra libra për fëmijë dhe njihet për stilin e tij të veçantë, plot humor, gjallëri dhe personazhe ekspresive. Ai ka ilustruar shumë prej librave të David Walliams, duke i bërë historitë më zbavitëse dhe më tërheqëse.
Përveç ilustrimit, Tony Ross ka shkruar edhe libra për fëmijë. Për punën e tij është vlerësuar me shumë çmime në fushën e letërsisë për fëmijë.
Librat e ilustruar prej tij janë botuar në dhjetëra gjuhë dhe në më shumë se 100 vende të botës.