Autor
Botime të Reja
Rreth Nesh
“Po sikur një ditë të zgjoheshe dhe të zbuloje se, krejt rastësisht, je bërë agjent sekret? Për Kevin, kjo nuk është më një pyetje – është misioni i tij i parë!”
I PËRKRYER PËR ADHURUESIT E DAVID WALLIAMS-it
ZBULONI SE SI NXËNËSI KEVIN TUIG U BË SUPERSPIUN
Kevin është një djalë krejt i zakonshëm, por jeta e tij ndryshon papritur kur, krejt rastësisht, përfshihet në një mision spiunazhi. Pasi merr pa dashje çelësat dhe identitetin e një superspiuni, Xhek Pond, Kevin gjendet në mes të një aventure të rrezikshme.
Kur superhorri i lig, zoti Shell kërcënon të shkatërrojë botën, Kevinit i duhet të bëjë atë që nuk do ta kishte imagjinuar kurrë: të shndërrohet në një agjent sekret dhe të përpiqet të shpëtojë njerëzimin.
Mes ndjekjeve, sekreteve, situatave të papritura dhe me shumë humor, Kevini zbulon se, për të qenë hero nuk mjafton të kesh pajisje speciale apo superfuqi. Ndonjëherë mjafton guximi për të vepruar në momentin e duhur.
Një aventurë plot humor, aksion dhe të papritura. Libri i duhur për lexuesit e rinj që duan historitë e spiunazhit dhe heronjtë e pazakontë.
Tom McLaughlin është autor dhe ilustrues britanik, i njohur për humorin e tij të zgjuar, imagjinatën e pasur dhe historitë plot surpriza. I apasionuar pas vizatimit që në fëmijëri, ai nisi karrierën si karikaturist politik, përpara se t’u kushtohej librave për fëmijë.
Me një stil të gjallë dhe plot humor, McLaughlin krijon aventura që i bëjnë fëmijët të qeshin, të imagjinojnë dhe të shohin botën nga një këndvështrim krejt tjetër. Veprat e tij janë përkthyer në shumë gjuhë dhe kanë fituar zemrat e lexuesve të vegjël në mbarë botën.