Robert D. Kaplan

ROBERT D. KAPLAN është autor bestseller i njohur gjerësisht, i cili ka shkruar njëzet libra të përkthyer në shumë gjuhë për marrëdhëniet e jashtme dhe udhëtimet, si “The Good American”, “The Revenge of Geography”, “Asia’s Cauldron, “Monsoon”, “The Coming Anarchy” dhe “Balkan Ghosts”. Ai është drejtues i Katedrës së Gjeopolitikës në Institutin Kërkimor të Politikave të Jashtme themeluar nga Robert Strausz-Hupé. Për tri dekada ai ka qenë reporter për marrëdhëniet e jashtme në “The Atlantic”. Ai ka qenë edhe anëtar i Bordit të Politikave të Mbrojtjes në Pentagon, si dhe Kryetari i Grupit Ekzekutiv të Operacioneve Detare. Revista “Foreign Policy” e ka renditur dy herë në listën e përvitshme të 100 mendimtarëve më me ndikim në botë.