botart

Kur Hitleri grabiti lepurushin e trëndafiltë

  • PDF

Judith Kerr lindi në Berlin nga prindër hebrenj gjermanë. Babai i saj, Alfred Kerr, shkrimtar i njohur, i sulmoi ashpër nazistët shumë më përpara se ata të vinin në pushtet dhe familjes iu desh të arratisej nga vendi më 1933-shin, kur Judith ishte vetëm nëntë vjeç. “Kur Hitleri grabiti lepurushin e trëndafiltë” është bazuar në përvojën jetësore të vetë Judith-it. Shpëtimi për qime nga nazistët, jeta në një fshat të Zvicrës, strehimi i familjes në Paris dhe më në fund mbërritja në Angli, ishin të gjitha pjesë e fëmijërisë së saj. Dy librat pasues “Bombat mbi teze Deintin” (titulli fillestar “Anasjelltas”) dhe “Një person i vogël larg”, trajtojnë rritjen e saj në Londër gjatë kohës së luftës, kohën kur vazhdonte shkollën e artit dhe martesën e saj me shkrimtarin Nigel Kneale. Judith njihet gjithashtu si autore dhe ilustruese e librave me vizatime. Më të njohurit dhe që kanë një popullaritet më të madh janë tregimet për Mogin dhe “Tigri që erdhi për çaj”, i cili megjithëse kanë kaluar pesëdhjetë vjet që nga botimi i parë, vazhdon të shtypet edhe sot e kësaj dite. Në 2012-ën Judith-it iu dha Urdhri i Perandorisë Britanike për kontributin e saj në letërsinë për fëmijë dhe për edukimin mbi holokaustin. Në 2013-ën ajo festoi nëntëdhjetë vjetorin e ditëlindjes dhe në 2016-ën për librat e saj për fëmijë iu dha çmimi prestigjioz nga shoqata bamirëse “Booktrust”, më e madhja në Angli për fëmijët që lexojnë. Vdiq në Londër më 22 maj 2019, në moshën 95-vjeçare.

You are here: Te rritur Kur Hitleri grabiti lepurushin e trëndafiltë